Mehran Live TV
Sponsors
Mehran SMS
Today Programs
News
Videos
Promos
- مسلم ليگ نواز فنڪشنل ليگ کي باضابطه طور وفاقي ڪابينا ۾ شموليت جي دعوت ڏئي ڇڏي، پيرپاڳاري نواز ليگ کان هڪ وفاقي ۽ هڪ مملڪتي وزارت گهري ورتي آهي، پيرپاڳاري چيو آهي ته سنڌ اسيمبلي ۾ مخالف ڌر جو اڳواڻ فنڪشنل ليگ جو هجڻ گهرجي. پنجاب جي نامزد وڏي وزير شهباز شريف راجا هائوس ۾ فنڪشنل ليگ سربراه پيرپاڳاري سان ملاقات ڪئي، جنهن دوران شهباز شريف فنڪشنل ليگ کي باضابطه طور وفاقي ڪابينا ۾ شموليت جي دعوت ڏني. ملاقات دوران فنڪشنل ليگ سربراهه پيرپاڳاري نواز ليگ کان هڪ وفاقي ۽ هڪ مملڪتي وزارت گهري ورتي آهي. پيرپاڳاري شهباز شريف کي چيو آهي ته سنڌ اسيمبلي ۾ مخالف ڌر جو اڳواڻ فنڪشنل ليگ جو هجڻ گهرجي، امتياز شيخ کي اپوزيشن ليڊر بڻايو وڃي. شهباز شريف پيرپاڳاري کي خاطري ڪرائي ته سندس مطالبا نواز شريف سامهون پيش ڪيا ويندا. ان کان اڳ ڪراچي ايئرپورٽ تي ميڊيا سان ڳالهائيندي شهباز شريف چيو ته سنڌ واسين سان ڪيل سمورا واعدا پورا ڪيا ويندا، ڪراچي ۾ جلد ميٽرو بس هلائي ويندي....
- اڳوڻي وزيراعظم مير ظفر الله جمالي جي نواز شريف سان ملاقات ڪري مسلم ليگ ن ۾ شامل ٿيڻ جو اعلان ڪري ڇڏيو، ظفر الله جمالي چيو آهي ته بلوچستان لاءِ صرف پيڪيجز سان ڪجهه نه ٿيندو، عملي قدم کنيا وڃن. اڳوڻي وزيراعظم مير ظفرالله جمالي راءِ ونڊ ۾ مسلم ليگ ن جي سربراهه نواز شريف سان ملاقات ڪري ن ليگ ۾ شامل ٿيڻ جو اعلان ڪيو. ملاقات کانپوءِ ميڊيا سان ڳالهائيندي مير ظفر الله جمالي چيو ته ملڪ ۾ ڪو هڪ مسئلو ڪونهي پر ملڪ مسئلن سان ڀريو پيو آهي، سڀ کان وڏو مسئلو بجلي جي لوڊشيڊنگ جو آهي، سڀني کي گڏجي ملڪ کي مسئلن مان ڪڍڻ گهرجي. هن چيو ته بلوچستان لاءِ صرف پيڪيجز سان ڪجهه نه ٿيندو، صوبي جا مسئلا حل ڪرڻ لاءِ عملي قدم کنيا وڃن ۽ بلوچ عوام کي اعتماد ۾ ورتو وڃي جنهن لاءِ هو ڪردار ادا ڪرڻ لاءِ تيار آهي........
- سنڌو درياهه جي وهڪرن ۾ واڌ کانپوءِ پاڻي جي صورتحال بهتر ٿي وئي آهي، گڊو بيراج تي 24 ڪلاڪن دوران 5 هزار ڪيوسڪ پاڻي جي واڌ رڪارڊ ڪئي وئي آهي.. گڊو بيراج تي 24 ڪلاڪن دوران 5 هزار ڪيوسڪ پاڻي ۾ واڌ اچڻ بعد بيراج جو مٿاهون وهڪرو 54 هزار 852 ۽ هيٺاهون وهڪرو 51 هزار 774 رڪارڊ ڪيو ويو آهي.. سکر بيراج تي پاڻي جو مٿاهون وهڪرو 34 هزار 560 ۽ هيٺاهون وهڪرو 8 هزار 9 سئو 9 ڪيوسڪ رڪارڊ ڪيو ويو آهي، جڏهن ته ڪوٽڙي بيراج تي پاڻي جو مٿاهون وهڪرو 8 هزار هڪ سئو 52 ڪيوسڪ رڪارڊ ڪيو ويو. سکر، گڊو ۽ ڪوٽڙي بيراج کي هڪ لک ڪيوسڪ پاڻي جي گهرج آهي، ان سلسلي ۾ آبپاشي کاتي جو چوڻ آهي ته سکر بيراج کي پڻ 70 هزار ڪيوسڪ کان وڌيڪ پاڻي گهربل آهي. آبپاشي کاتي موجب سکر بيراج ۾ 42 سيڪڙو، گڊو بيراج تي 80 سيڪڙو ۽ ڪوٽڙي بيراج تي پاڻي جي کوٽ 49 سيڪڙو رڪارڊ ڪئي وئي آهي......
- پيپلز پارٽي جي اڳواڻ خورشيڊ شاهه چيو ته پ پ چاهي ٿي ته جمهوريت جو تسلسل هلندو رهي، جيڪڏهن نئين حڪومت پنهنجو آئيني مدو پورو ڪيو ته ڪير به عوام جي حقن تي ڌاڙو نه هڻي سگهندو.... اسلام آباد ۾ پريس ڪانفرنس ڪندي خورشيد شاهه چيو ته قومي مسئلن جي حل لاءِ پيپلز پارٽي نوازليگ جي مدد ڪرڻ لاءِ تيار آهي، جيڪڏهن قومي مفاد ۾ آئين اندر ترميم ڪرڻي پئي ته پ پ حڪومت جو ساٿ ڏيندي. خورشيد شاهه چيو ته جمهوريت وڏي طاقت آهي، پيپلز پارٽي مفامهت واري سياست کي هٿي ڏني ۽ ملڪ ۾ جمهوريت کي مضبوط ڪيو آهي. پيپلز پارٽي جي اڳواڻ چيو ته صاف ۽ شفاف چونڊون ڪرائڻ لاءِ هر ممڪن ڪوشش ڪئي وئي، چونڊ نتيجا سمجهه کان ٻاهر آهن، نوازليگ وٽ ميديٽ آهي ان تي به سواليه نشان آهي.... خورشيد شاهه چيو ته گذريل حڪومت جي 5 سال جي ڪارڪردگي عوام جي سامهون آهي،پيپلز پارٽي جي حڪومت پنج سال پورا ڪيا اميد آهي ته نئين حڪومت به پنهنجو آئيني مدو پورو ڪندي.. هن وڌيڪ چيو ته پيپلز پارٽي وٽ ميڊيٽ اتحادي پارٽين جي ڪري هو، مخالف ڌر ڪڏهن به فرينڊلي ناهي هوندي...